曾經應承註冊結婚,不過簽字當日。。。

67歲嘅徐少強喺70年代演過唔少大俠角色,當年「大俠」型象深入民心,佢仲由電影圈打入電視,代表作仲有《三少爺的劍》、《天蠶變》等等,其中《天蠶變》入面雲飛揚一角尤其著名。

而徐少強嘅感情生活亦相當精采,徐少強喺早年曾經有第一任妻子,二人育有一子徐亦東,而佢亦係創作人,活躍於廣告及電影業。

不過講到徐少強較廣為人知嘅一段情,相信就係佢同米雪妹妹雪梨嘅一段「婚姻」,徐少強同雪梨喺82年拍《養鬼》時認識,而喺翌年雪梨仲為徐少強誕下大仔徐偉棟,87年再誕下次女徐頴堃,不過唔夠1年二人喺88年分手。

大部分人以為雪梨當年同徐少強離婚,但其實佢哋根本冇結過婚,雪梨喺2015年曾經接受訪問透露,當年生完仔後,徐少強曾經應承註冊結婚,不過簽字當日,徐少強「忘記」帶同前妻之離婚證明書,最後不了了之。

而喺九十年代晚期,徐少強返大陸發展,而佢亦喺十幾年前再娶一名細自己30年嘅嫩妻,仲生咗一仔一女。

(蘋果日報)