藝人邵音音為音樂會獻唱四首歌,她笑言沒有特別練習。問她是否因為平日訓練有素?她坦言:「平時唔係唱呢啲歌,平時觀眾鍾意我唱《王昭君》、《郊道》、《站在高崗上》,但我今晚都會唱《郊道》,因為呢首歌係秦萍第一套而又走紅嘅電影嘅主題曲,咁佢啱啱過咗身,所以想同觀眾分享吓,特別唱呢首歌緬懷佢,首歌都係因為佢做女主角所以先紅,好可惜,佢同我差唔多年紀,因為癌病而走咗。(家人會唔會擔心你好操勞?)家人梗係想我日日瞓喺度,但我個人生唔係咁,明知始終有日會走,應該要做自己想做嘅事先有意義。」

 

邵音音又指稍後會接拍一套港產片:「係一套寫實片,用喜劇方式表達。(會唔會要求劇組畀你多啲時間休息?)唔會,如果我唔舒服就會停,依家同以前唔同,佢哋會好體諒同注意我健康,仲會安排個合適嘅環境去拍攝,以前為咗賺錢話之你死,依家啲後生好識關心人,同埋有班後生為本土電影出力,呢種精神好偉大。」

(on.cc東網)