名媛薛芷倫(Fanny)今日54歲生日,當然有唔少慶生活動啦,Fanny唔止喺社交網上載咗多張今年慶生派對嘅相,佢仲有晒番以前生日嘅相嚟回顧一番添!佢留言:「自從六年前戰勝癌魔,每一年生日都是我感恩的喜悅,漸漸建立回來的健康、堅毅和自信,到今天可以完全康復,可以生存是福氣,希望這福分可以伴隨我每一天,祝我今天生日快樂!」

Fanny仲為自己感到非常自豪,更勉勵一啲抗癌病人即使過程幾咁艱辛,都千祈唔好失去希望,生命永遠係美好的,言詞間都非常感觸!相中可見,穿上一身紅色晚裝嘅Fanny,拎住氣球,又舉起V字手勢,非常開心,其中一張相,見到Fanny同仔女合照,佢哋為Fanny預備咗個好精緻嘅蛋糕,大批網民都送上祝福,仲話有家人陪伴同身體健康,一定係Fanny最開心嘅事。

講聲生日快樂先!

個蛋糕好有心思!

認真開心!

薛芷倫有家人同佢慶祝。

薛芷倫勉勵抗癌病人。

 

(ON.CC)

留言