「情話情意情路情盡都經過也是因你 留下我在昨日過活但如死」
「想你但怨你 暗街燈也在想你 但卻在暗示結局甚迷離」
--張國榮《想你》

噚晚凌晨1時03分,劉嘉玲在微博貼跟張國榮(哥哥)摯愛唐鶴德嘅合照,留言:「想你」!想已逝嘅哥哥,也在想孤單活着嘅唐唐!網友紛紛留言附和,更群起po哥哥同唐唐合照悼念。哥哥生前跟嘉玲老友鬼鬼,兩人曾合作經典電影《金枝玉葉》,又是樓上樓下嘅鄰居,曾經同住半山May Tower,經常約埋開枱攻打四方城,哥哥生前接受《星空下的傾情》節目訪問就講過:「偉仔(梁朝偉)係一個好怪嘅人,喜歡聽rock,嘩,去到佢屋企,我簡直頭都暈,我同嘉玲喺佢屋企打牌,佢就喺出面煲機,喺度rock。」嘉玲曾接受訪問表示,讚哥哥係真正嘅巨星,追求完美,但為人好脆弱、好敏感、好冇安全感,佢同哥哥一齊好開心,覺得哥哥喺圈中地位冇人可以替代,o依家偶然都會想起對方。

(蘋果日報)