前晚城城就帶住老婆方媛(Moka),同班波友一齊慶祝佢嘅52歲生日,真係So Sweet!

過咗一日,即係10月27日,原來都係一個大日子,佢就係熊黛林(Lynn)同郭可頌嘅結婚一周年紀念日子,Lynn就好開心咁喺ig上咗兩張相,同大家分享吓佢嘅喜悅。

其中一張相見到阿Lynn着住佢自家品牌「Devl」嘅運動服,同老公影相,見佢用一條運動跳繩牢牢咁綁住老公。

佢留言話:「就這樣把你牢牢地綁在我身邊,一周年快樂」,文尾仲貼咗個心型貼圖,另一張相就係close up佢哋拖到實一實嘅手。

真係睇住個mon都feel到佢哋有幾愛呀!

(蘋果日報)

留言