前港姐陳法蓉(Monica)近年減少幕前工作,多留時間陪伴家人,最近佢趁住秋季天氣較清涼兼生日,同81歲嘅爸爸到台灣旅行。

連日來Monica都有更新社交網站,邊旅遊邊同粉絲與眾同樂,適逢28日係Monica 51歲生日,前一晚已經喺微博上載多張同爸爸嘅旅行靚相,並有感而發表示好懷念細個同爸爸周圍去玩:

「廿七號~我的生日前席爸爸去哪兒?烏來、鶯歌及三峽~~~小時候爸爸帶我到處玩~~~爸爸已經81歲了~可以常常和他一起去旅行~我覺得很幸福~」

相中見到陳父雖然兩鬢斑白,但係精神狀態十分好,而Monica亦好有少女情懷,攬住爸爸合照,非常之溫馨。

(on.cc東網)

留言