唔覺唔覺,古天樂今年都已經。。。

46歲嘅古天樂同31歲嘅台灣女藝員郭采潔,今日無啦啦上咗微博嘅搜尋榜,仲以100萬次搜尋高踞榜首,咩事呢?有指事源係今朝有人發微博,以問句型式話:「古天樂和郭采潔在一起了?」就係一句說話,引爆咗好多人嘅好奇心,盲搜古郭戀。

古天樂喺14年同郭采潔合作過一套電影《巴黎假期》,有咀戲有婚紗相,之後兩人四圍飛宣傳,係幾親密嘅。不過上年古仔去台灣時曾經被問番起呢段「戀情」,古仔輕輕咁答「感情的事我從來不談」落閘。至於郭采潔經理人就回應話:「對於網路不實消息,均不予回應,請大家別太費心。」

(蘋果日報)

留言