吳君麗(麗姐)、林建名同女兒林煒珽、龍貫天等,噚晚喺尖沙嘴文化中心出席《仁濟愛心慈善粵曲晚會》,麗姐透露現時過住悠閒生活,問佢會唔會出番嚟拍劇﹖佢就話:「有人搵過我,不過時間問題,其實我冇諗(拍劇),我唔係怕辛苦,我都有幫呢個活動擔任顧問,指點下啲後輩,我覺得班後輩做得好好,因為今次我冇份演,所以好少機會同佢哋合作。」

問到麗姐有冇戲癮﹖佢話:「冇呀,不過我都好鍾意睇戲,唔一定要自己演嘅。」平時有咩做﹖佢表示:「平時練下氣功,做下運動同八段錦。」會唔會唱K同打麻雀﹖佢笑住話:「我哋定時都有聚會,每個月都有一次,到時都會有唱下歌,唔鍾意打麻雀嘅咪食下飯囉!」

而唔講都唔知,麗姐今年已經84歲架啦﹗不過就仲喺咁精神、咁有活力﹗真喺好犀利﹗

(蘋果日報)

留言