卓林承認出櫃喺ig貼相稱「I’m gay」,另一半係網紅密友Andi。吳綺莉話最重要係心地善良,錫佢個女比任何嘢重要,佢仲多次重覆稱「抱孫仲大鑊,要養佢又要養孫」。

早幾個月前,曾有報道指卓林同父異母嘅哥哥房祖名,一直都好關心卓林,知道吳綺莉有經濟壓力,出手資助吳綺莉母女於大坑買樓安居。

吳綺莉呢幾年確實為咗卓林勞心勞力,早前吳綺莉喺翁靜晶陪同下開記招,澄清冇拎過成龍一毫子,而大坑物業,吳綺莉係動用咗母親遺產,加上出售上海物業後購入。但過程算係幾波折,事關去年11月吳母離世,上海方面凍結吳母遺產,要交60萬解凍資產,翁靜晶仗義借錢給吳綺莉,先順利解決問題。至於祖名方面,當時有台灣傳媒報道,祖名身邊人否認幫助過吳綺莉母女,又謂很少與父親見面,談話內容亦不會提及妹妹,祖名及卓林更加係從未見面。

吳綺莉早年曾於DBC數碼電台主持節目,翁靜晶亦介紹過吳綺莉擔任教畫畫工作,現時吳綺莉為奇妙電視主持節目《空間改造王》,有時又會應邀出席商演活動,幫補家計。

(蘋果日報)

留言