關之琳於2015年11月同台灣富商陳泰銘宣佈離婚,導火線之一盛傳係陳泰銘同劉嘉玲去咗行山,目前回復單身嘅之之,不愁寂寞,間唔中搵朋友聚吓,之前上大陸綜藝節目《我們來了》第二季。「每一段我都最愛,那已經過去了,就是一個歷史」。

至於前夫陳泰銘,今年6月Forbes公佈陳泰銘淨財產21億美元,雖然身家豐厚,不過佢都幾愛平民小吃,前晚被影到同友人去食北投知名牛肉麵店「金春發」,嘆足一個半鐘。

(台灣蘋果日報圖片)

當時陳泰銘坐住Benz抵店門口,由保鑣先落車入小吃店詢問確認有位,身穿白色polo衫加短褲嘅陳泰銘才落車,冇耐另一架Benz載一個年約30歲嘅清秀女子到場,由專人開車門後,步入餐廳,呢位清秀女子五官精緻,算係一個美麗佳人,行到去陳泰銘坐嗰張枱,一坐就坐咗喺陳泰銘隔籬,陳泰銘見枱上有啲污漬,順手拎起一張紙巾想抹一抹枱,最終決定換一張大啲嘅枱。

當日3男1女聚會,由陳泰銘睇完餐牌,跟手負責點餐,最終與嗰位清秀女子等人分頭離開餐廳,接著返到陽明山住所,未知呢位清秀女子係唔係陳泰銘嘅新歡!?據知陳泰銘同鴻海董事長郭台銘都係金春發常客,平均1個月都會光顧1、2次,陳泰銘除咗食牛肉麵之外,最鍾意就食食炒空心菜同清蒸牛腩。

(蘋果日報)

 

留言