張栢芝一向錫屋企人,除咗兩個寶貝仔Lucas同Quintus,入行以嚟有指佢一個人揹起成頭家,對兩個細佬豪龍、柏文,老竇鬍鬚勇、媽媽戴莎莉、同母異父家姐戴碧芝、都照顧得無微不至。

不過早排栢芝喺IG呻窮冇錢請化妝同買衫,更自爆被欺負足足18年,有報道更指栢芝暗示拒再為至親無限量供水。冇咗栢芝呢條大水喉,惟有向現實低頭,以往揮金如土嘅張氏上下,局住重新學習自力更生,好似栢芝媽戴莎莉,舊年以55歲之齡,處女下海接拍潘紹聰執導嘅三級鬼片《魕異》,早排又俾人影到喺九龍城麵包店打工睇舖。

今日有報道指,由於麵包舖7月停業,栢芝媽就學人轉揸Uber搵食,至今做咗3個月,已接了近500個order,而客人對栢芝媽嘅評分亦唔錯,5分滿分,佢就有4.7分,睇嚟栢芝媽做Uber司機,都做得好敬業樂業。

(蘋果日報)

留言