日前美國拉斯維加斯發生恐怖槍擊案,藝人曹永廉(阿廉)10月中照如期出發前往美國登台。對於今次「冒險」搵銀,阿廉接受東網訪問說:「依家搞緊工作簽證,海報都出咗,應該唔會改期。我會先到三藩市唱3場,然後廿幾號再落拉斯維加斯,一切自己小心啲囉,我都冇諗住出街,會帶ipad去喺房睇吓嘢、玩吓,再唔係都只會落街食吓嘢、跑吓步,唔會周圍亂走嘞。今次啲騷喺室內舉行,應該安全性會高啲啩。」

10月16日生日的阿廉,今年將在美國度過:「生日做騷好事嚟,唔係成日有咁多騷㗎。今次大會曾經提議安排Kenny G幫我伴奏,大家同台演出,但我覺得自己同Kenny G個Style差太遠,我驚唔夠時間夾歌,我又唔係唱開英文歌嘛。」

(ON.CC)

留言