內地節目《不可思議的媽媽》最新一集,其中一個任務係要小朋友搵返自己媽咪。Yumiko匿埋喺時裝店貨倉,透過對講機公仔「聲音導航」梁浸浸。

梁浸浸行行下,就突然指住舖頭話:「Mommy there!(媽咪喺嗰邊)」仲拉工作人員入去,不過Yumiko未有現身,而梁浸浸繼續留守舖頭門外,最後因為見唔到媽咪忍唔住喊。Yumiko見到,心痛囡囡心靈受到傷害,就算任務失敗,都即刻跑去攬住梁浸浸,唔少人都覺得好感人。不過亦有網民覺得,呢個任務對小朋友太殘忍同太危險,可能會令小朋友有被遺棄嘅感覺。

而Yumiko就喺社交網留言:「喺我心目中,可唔可以完成任務唔重要,最緊要係妳需要我的時候,我係度。」

 

留言