現年46歲生日的張文慈(Pinky),日前「搵命博」為無綫新劇《跳躍生命線》拍攝危坐天橋的戲份。畏高的她前日下午偕同台前幕後包括馬德鐘、羅天宇及戴耀明等現身九龍灣「春嬌橋」開工,劇情交代Pinky危坐天橋玩自拍,途人誤以為有人自殺報警,扮演Pinky弟弟的馬德鐘即一身救護員制服趕到。為救拍攝效果力臻完美,劇組更租借消防及救護車,更有真消防員到場協助拍攝。


雖然正值公眾假期,但途經的車輛仍不少,拍攝中途更忽然下起大雨,現場又濕又焗。Pinky因應拍攝需要,於「春嬌橋」窗口位置不停爬高俯低,令旁人冷汗直標!她事後受訪坦言:「起初望落去真係腳震,仲要見到啲司機望上嚟,我驚搞到人哋撞車。其實公司好好嘅,有5個猛男喺身邊扶實我先,又出動3條威吔確保我嘅安全,所以後來我都淡定咗。拍嘅時候我出力夾實雙腳,返到屋企就開始酸軟喇。」

(ON.CC)

留言