藝人陳百祥(阿叻)孖住太太黃杏秀出席珠寶店開幕活動,透露與珠寶店老闆同人唔同命,對方當年於中東賣鑽石撈到風山水起,但自己卻於破產過後於中東賣雨褸,雖然未有蝕本,但卻未有讓他賺大錢。

談到他也經常賭馬賺錢,阿叻笑指全靠黃杏秀旺夫,他謂:「3T、四重彩全部都係佢中,我坐喺隔籬負責收錢,所以我投資落啲愛駒度,輸咗當做善事,有啲收入都夠我養妻,好舒服,無綫都係一年一個騷,我係唯一一個20年嚟冇加過人工嘅人,唔敢要求,炒我點算,唯一依靠就係黃杏秀,佢買乜都中,買樓可以升3倍,唔係人,係仙女下凡。」叻哥又講笑話自己係唯一一個靠老婆旺夫生存嘅男人:「如果第二個娶咗係黃杏秀,我就做乞兒架喇!」

(on.cc)

留言