蘇施黃日前在社交網站PO出同金燕玲戴住口罩嘅合照,留言話:「病了
金小姐星期五發燒102度,原來患了甲型流感,非常嚴重。星期六我開始兩聲咳,星期日輪到我發燒100.9度,今朝101.6度。兩隻病壞一齊去睇醫生。」之後又更新狀況指:「原來金小姐驗到有H1N1添,加埋甲型流感,唔怪得之咁辛苦。」網民見狀都紛紛留言關心二人。

患病期間,阿蘇都有戒口,食得好清。尋日阿蘇就PO 出幾張美食相:「食咗幾日病人餐,立即瘦咗兩磅 … 今晚立即加返隻甘牌燒鵝脾比自己。」仲有炒飯同豆腐乾,望落都幾油膩!唔少網民見到都留言勸阿蘇岩岩好返唔好食燒鵝,又笑佢岩岩好返就作反。

 

留言