劉嘉玲、任達華、唐詩詠同姜皓文(黑仔)都齊集林村許願樹廣場,為電影《我的情敵女婿》拍攝外景。戲中詩詠同黑仔仲會有感情線,雖然一個係50歲,一個係36歲,就算有感情線,問題都唔大。不過導演葉念琛今日就臨時加入二人咀戲,詩詠冇抗拒仲笑指係水乳交融,原因係兩人喺太陽底下已經大汗滴細汗。

首度合作,就同詩詠BB有咀戲,黑仔就笑指好彩冇收到對方派香口膠,因為如果詩詠抗拒對手,就會預先準備定香口膠。問到詩詠BB派過畀邊個?佢就話:「袁偉豪,因為佢成日飲咖啡。」

(蘋果日報)

留言