陳寶珠與兒子楊天經、新抱吳文珊日前於台接受馬浚偉節目錄音訪問,馬仔話一連4集的節目內容主要講寶珠姐辛酸的成名路與親情維繫,馬仔還爆料指他們一家人有甚麼不開心,都會攬住喊,表達內心世界。

提到家人相處之道,原來天經在10多歲反叛期間,寶珠姐曾經嬲到離家出走數天,寶珠姐說:「細個溝通不足,不經意就會有誤會同磨擦,有一次大爆發,本來係天經想走,點知我走咗先。」天經就話:「嗰次係第一次,亦係唯一一次,我哋冇通電話幾日,好掛住,睇吓邊個硬住頭皮行出第一步,嗰時啱啱母親節,我送咗份母親節禮物,化解件事。」

天經還說年紀小小就沒有爸爸,寶珠姐母兼父職湊大他,覺得媽咪是十全十美!而問到有否試過婆媳不和?寶珠姐就好肯定話:「冇嘅!」問到寶珠姐想不想快點抱孫,文珊就笑言誠徵生仔秘方,寶珠姐就話:「順其自然,唔強求。」

(蘋果日報)

留言