近日江美儀接受《壹週刊》訪問,被問到男友吳君祥傳出有小三,江美儀強調大家感情沒有問題,又話自己是現代的自梳女:「我覺得我是會結婚的人,我又不用靠人。我又覺得自己又自由自在,我又覺得自己可以照顧到自己,我覺得我是現代的自梳女。只不過間唔中有條仔調劑下。」

江美儀同吳君如細佬吳君祥拍拖11年,最近因為分隔兩地,男方主力在北京工作,更有指吳君祥有小三偷食嚴淑明,加上江美儀同吳君祥近一年都再冇一齊現身過,所以外間都以為他們已經玩完。

有傳吳君祥有小三,加上分隔兩地無王管,問到江美儀怕唔怕,她就充滿自信。

「佢驚過我吖(望一望自己個胸),仲要影埋呢輯相,不如你問佢驚唔驚我有小鮮肉好過啦!」江美儀說。

「互相嘅,大家都有市場。」吳君祥說。

之後江美儀再認真表示:「其實呢個世界上冇嘢係天長地久嘅,我會盡量去維繫囉,唔得咪let it go,唔好咁執着囉。或者有一日我遇到一個好鍾意,咁我會同佢講,我想試吓喎,又或者佢遇到一個好鍾意喎,咁我咪祝福你。唔好諗住一定係一生一世囉,好多嘢今日唔知聽日事吖嘛,最緊要而家開心。」

(壹週刊)

留言