恭喜恭喜!51歲嘅舞台王者郭富城,終於宣佈BB出咗世喇!

城城今早十一時左右,貼咗張一家三口勾手指同腳印相,寫道:「開心、微妙、感恩!我們仨!成長、家庭、守護! ​​​」

雖然未有透露出世日期同BB性別,但兩圖都係用粉色,應該就如傳聞一樣,係女!而且睇BB隻手仔,應該已經「收咗水」,可能已經出咗院返咗屋企喇!

其實早在本月2日,商台節目《一圈圈》就率先爆出,話城城已榮升做咗老竇,事有湊巧,Moka就喺商台爆料嘅前一日,就曾經喺ig貼圖,但甫開其ig,張相就唔見咗lu。

除咗Moka嘅消失的貼圖,其實《蘋果》亦收到消息,指城城當晚曾揸住幽靈之子戰車,喺跑馬地同養和附近不停兜圈,不但黑麻麻戴住黑超,仲特登打開咗車窗,似乎有意吸引大家視線,唔知係咪因爲跑馬地多記者辣更,城城刻意用自己用魚餌,引開記者好讓老婆秘密入院;於翌日凌晨一時半,只見一架銀色的七人車,駛離養和醫院時,直返城城嘅寓所。

(蘋果日報)

留言