劉德華今年一月喺泰國拍廣告墮馬受傷,盆骨骨折、拉傷筋腱肌肉,不過華仔一向意志力強,佢勤於做物理治療,康復進度比預期快,出入以拐杖行路。

今日有周刊指華仔最近忽然暴瘦、出現聲沙,有傳華仔同太太朱麗倩秘密去咗尼泊爾四眼天神廟求神保佑,著名嘅Swayambhunath相傳係尼泊爾最古老嘅佛教寺廟,又有猴廟、有四眼天神廟之稱,而華仔亦入紙申請出年年尾紅館開騷,暫時決定開廿場,報道又指華仔去嘅四眼天神廟代表「智慧」,以前華仔同太太會由地下行3百級樓梯上去,不過華仔o依家仲未康復緊,所以坐車由山路上去。

(蘋果日報)